ياولاد الحلال تايه منى إنسان

ياولاد الحلال تايه منى إنسان … هو لطيف مهذب كله حنان
قلبه واحة حب .. معروف بالتقوى وإلإيمان .. عادل حكيم كلمته ميزان
ياولاد الحلال تايه منى إنسان
بدور على إنسان يا جماله .. الشرف والعفة هى خصاله
لسانه شهد الكلام ..الوداد وصاله .. خلقة الله على مثاله
وكان بشير الحب لله الرحمن
ياولاد الحلال تايه منى إنسان
لو شافة حد يدلنى عليه .. وحشنى اطل فى صفو عينيه
اشتقت للمس الطيبة اللى فى ايديه
حلو الملامح أبيض أسمر مش مهم الألوان
يادولاد الحلال تايه منى إنسان
حزنت عليه دموع العين .. لما اشتروه منى الملاعيين
اللى لا ليهم ملة ولا دين ..اللى اتبعوا نهج الشاطين
وإلإيمان والله بيضعف .. لو الإنسان احتار يلجأ لمين
ونلاقيه تاه .. يا ولداه .. مش لاقى سقف يحس تحته بأمان
ياولاد الحلال تايه منى إنسان
جابولى مسخ ملوش روح ولا أحاسيس
وضيع ودنيىء .. فى فعله خسيس
ظالم مفترى .. وكلامه كذب وتهييس
تشوفه شكل البنى آدميين .. ومن جواه أحقر من الحقارة كمان
ياولاد الحلال تايه منى إنسان
أنخدعت لما لقيته .. وجيه ومالى بدلته
والتانى كله خشوع ..وعلامة الإيمان على جبهته
واللى ماسك كتاب دين .. بيحفظ فى صفحته
وده فاكر إن إيمانه .. على قد طول لحيته
وغيره عمال يصرخ .. وهو بيوصف جنته
ياهوووه أنا بدور على الجوهر ..اللى جوة هدمته
مش مظهره ده البهتان .. ياولاد الحلال تايه منى إنسان
قلت اللى فى بالى جميل وأصيل
كله كرامة وعزة … والشهامة عند بالكيل
ضميره حى .. والحق عنده ملهش بديل
لا يهين ولا يهان .. ياولاد الحلال تايه منى إنسان

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s