جرالكوا أيه يابشر

وقف القلم وضاعت منى المعانى … وتاه منى الطريق والعنوان
وأيه اقول والحسرة هزت كيانى … زلزلت قلب الوجدان
قلبى ياناس تعبان
وجعنى ظلم البشر … وإهانة الإنسان للإنسان
جرح الكرامة خطر … والقسوة فى كل مكان
قلبى ياناس تعبان
بشوف الفساد مارد ملعون … فارد جناحه على الحياة والكون
وكل يوم بيكبر … بيغذيه كل جبان
قلبى ياناس تعبان
ليه ياظلم قادر … وعينيك ماكره وخداعة
سيفك جبار وغادر … بيلوث طهر الوداعة
وأنا اعمل ايه وانا إنسان … بتموت فيا الأشجان
قلبى ياناس تعبان
ليه الحقد والأنانية … غيرت فينا الأدمية
وتوهت وانا الغلبان .. مابين القسوة والحرمان
قلبى ياناس تعبان
جرالكوا أيه يابشر .. بقيتوا ليه أشرار
اللى شايف نفسه قاضى وحكم … بالفتنة يشعل كل نار
واللى فخور بالسانه السباب اللعان
قلبى ياناس تعبان
إحنا فى زمن مقلوب حاله يامؤمنين .. الخاين بيؤتمن وبنخون الآمين
ونصدق كل قناع زايف بهتان … قلبى ياناس تعبان
أمتى أشوف الفقير … له معنى وقيمه وكيان
الغنى مش مال وجاه .. الغنى غنى النفس عن كل شىء عدا الرحمن
قلبى ياناس تعبان
نار التعصب اتمكنت منا .. مرض خبيث نهش كيانا
هدد.. حياتنا .. فرق وحدتنا … شرخ حوالينا الجدران
قلبى ياناس تعبان
الأخلاق فى مذاد للبيع .. محدش بيشترى الناس بتبيع
ضماير للبيع .. كرامة للبيع … مبادىء وقيم ياخلق بتتهان
قلبى ياناس تعبان
قلولى ايه العمل .. فى القهر والطغيان
فى كل مكان اوراح تتقتل … والباقى عايشين قى ذل وهوان
بدور عليك ياأمل … مش شايفه غير أحزان
قلبى ياناس تعبان
ده وقتنا نبدل كل زيف .. حتى لو صوتنا ضعيف
حتى لو الواقع مخيف .. المهم والأهم طهر القلب واللسان
قلبى ياناس تعبان
تعالوا نحقق الأحلام .. نقيد شمعة وسط الظلام
ننشر محبة .. ننشر سلام .. نبدأ طريق صلح ووئام
نفسى أحس ياناس بالآمان … قلبى ياناس
 تعبان

Advertisements

فكرة واحدة على ”جرالكوا أيه يابشر

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s