أنت بشر ولا حجر ؟

انت ياماسك حجر غادرعلشان  صاحبك

غيرك ده ..هو أخوك .. جارك وزميل بيحبك

يوم صبحت عليه .. يوم حطيت أيدك فى إديه

كان دكتور وفى يوم طبب جرحك

قولى يا رافع للدمار راية .. أيه إحساسك بين آنين الضحايا

أطفال وشباب وصبايا . هما أخوتنا .. هما ولادنا .هما صورتنا فى المرايه

أسمع منى مش راح اعاتبك ولا راح احسابك

بدى اقولك .. فين إحساسك ولا مشاعرك

ماتت ليه جواك أخلاقك .. راحت فين بالذمة كرامتك !

أنت بشر ولا حجر ؟   ولا إيمانك فجأة انشطر

قولى مين اتمكن منك … شتت عقلك لوث فكرك

نضف عقلك فكرك فاسد .. شيل من نفسك فكر الحاقد

أبنى وعمر بدل ما تدمر .. قول أتكلم .. دون .. عبر

حول طاقتك للمستقبل .. بدل ما ألقاك لأخوك متشمر

أوعى تقولى دى الحرية .. أو الفوضى ديه تحرر

الحرية قيم ومبادىء .. فيها آداب … رقى … تحضر

ليه سودت نور أيامك .. ليه عكرت صفو حياتك

ليه وازاى القسوة اترسمت .. صورة مخيفة لطيف أحلامك

قوم ياعزيز النفس يامصرى .. أرفع راية حب ووحدة

لسة الوقت فى إيدك بدرى

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s