مصريه أنا مصريه

 

مصرية انا مصرية

ومصريتى غالية عليا

وأغلى من ضى عنية

يازينة يا بلدى يا حبيبة

انتى الأمان والدفى والطيبة

وفى قلبك انتى الحنية

مصرية انا مصرية

انا اللى كبرت على أرضك

تحت شمسك وشجرك وضلك

وانا اللى سرت فى ضيا قمرك

أرسم أحلامى الوردية

مصرية انا مصرية

واللى روانى نيلك

وميته احلى من السكر

على ضفافه واقف جدع حليوه اسمر

بيقول غناوى الحب لصبية بتوب اخضر

عيونها ليل .. بسمتها مسك وعنبر

سحر الجمال ساكن خدودها الوردية

مصرية انا مصرية

وعلى بساطك اتجمعوا خلان

وفى وسطهم راوى

ماسك ربابة عاشقه النغم

بتقول وتنشد حكاوى

واصيلك يا شمس مايل فى حضن الغناوى

فارد شعاع من دهب

على ارضك الحرة الأبية

مصرية انا مصرية

وناسك يا بلدى دول أهلى واحبابى

فى أفراحى بلاقيهم ديمآ على بابى

وفى شدتى يمسحوا دمعتى

بصفاء القلب والنية

مصرية انا مصرية

وولدك ده ولد فارس من ولاد بلدى

هو اخويا وابن عمى وابويا وولدى

عيونه امل نهار وصوته نبض الحرية

على كتافه حملك يا بلد

واجب ومسؤولية

بيحول الأمل عمل بالفعل مش بالكلام

يتمنى يطلع نهارك يا بلد

فى يوم من الأيام

ويكون غيامك ده سحابه صيف معدية

مصرية انا مصرية

مشيتك يا بلدى حارة ودرب وشارع

دخلت المعابد والكنايس والجوامع

لقيت حس الإيمان واحد

والكل خاضع وخاشع لعظمة الكلمة الألهية

مصرية انا مصرية

اوصف ايه وجمالك قصة وحكاية

واسمك على لسانى موالى وغنايا

عاشقة جمال ليلك ويارتنى كنت نجماية

سهرانه ويا القمر اونس عيون الصبايا

واستنى بشوق شمسك وانوارها الفضية

مصرية انا مصرية

عظيمة يا أم الحضارة يا أرض بلادى

يا أرض ابويا وامى ومن قبلهم اجدادى

ومن بعدى حضن لولادى واحفادى

جيل من بعد جيل بحيك يا مصر بينادى

انتى كرامتى وعزتى وكل شىء ليا

مصرية انا مصرية

 

 

Advertisements

9 أفكار على ”مصريه أنا مصريه

  1. جميلة جدا القصيدة وهى تتحدث عن مكنون قلبى لبلدى الغالية التى لا اصبر فى العيش خارج حدودها اكثر من ايام فاحلى ما فيها الانسان وطيبة اهل بلدى يارب رجع ايم التسامح والدفا بين الاهل والجيران
    سةهمث قخسث

  2. انت مصرية ولك الفخر بذلك ولكن لست وحدك المصرية فكلنا مصريون نعشق ارض مصر تربينا عليها واكلنا من خيرها فهي امنا الحقيقية شربنا من نيلها الحب والصفاء وانتسبنا اليها قلبا ووجدانا ادامها الله لنا ارض الحب والتسامح وحفظها الله دوما لتظل مشرقة

  3. قلم متميز يسعدني التعرف عليه ومتابعة ما يكتب ، أشكرك لمرورك العطر على مدونتي المتاوضعة ويسعدني دوام تواصلك
    تحياتي

  4. اجمل ما قرات( بيخيروني ليه بين ديني واطاني) من الذي وضع القيود والحدود بين البشر اننا نحن البشر, اما الله سبحانه وتعالى فلم يفرق بيننا الا بالتقوى والعمل الصالح فالكل امام وجهه سواء وما ينفعنا انما هو العمل الصالح والطاعة والانقياد التام لاوامره سبحانه وتعالى وهذا ما ما تعلمناه باننا اوراق شجرة واحدة فالارض وطن واحد والكل سكانه

  5. موقع رائع وجميل استمتعت جدا بقراءة المواضيع وخاصة الاشعار الجميله التي تمس القلوب
    مع كل الحب والتقدير

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s